1. ბოკნეთური სალამი,

რადგან ამ წერილს კითხულობ, უკვე ბოკნეთური ამბების ნაწილი გამხდარხარ.

კეთილი იყოს შენი შემობრძანება ყველაზე მეგობრული მთების, შთამბეჭდავი ხედების, უძველესი ციხე-სიმაგრეების და უიშვიათესი ბინადრების სამყაროში.

მე შენი მეგზური ვიქნები და ერთად აღმოვაჩინოთ ძამას ხეობა! ბოკნეთური ენერგიით დაგიგემავ საინტერესო ტურებს და უსაფრთხოდ მოგატარებ ყველა კუნჭულს. საღამოს კი ბუხარს ერთად მივუსხდეთ და ბოკნეთის გემრიელ სამზარეულოს დავუმეგობრდეთ, რომელიც სავსეა ნატურალური ნუგბარით.

მე შემიძლია ჩემი სივრცე გაგიზიარო შენი პროექტების, წვეულებების და შვებულებისთვის, რათა ერთად შევქმნათ შენი ბოკნეთური თავგადასავლები!

თუ ამ საოცრებებით სავსე სამყაროში მოგზაურობა გინდა, ძამას ხეობის სოფელ გვერძინეთში მესტუმრე.